Per ne

Çfarë do të bëjmë

Anima Pictures është gjithmonë e fokusuar në gjetjen dhe realizimin e formateve televizive që mund të përbëjnë risi në tregun mediatik shqiptar. Në këtë linjë edhe seria e emisioneve që po realizojmë ështe një format i ri dhe i parealizuar më parë në Shqipëri por gjithashtu një format i njohur dhe i sukseshëm në eksperiencën botërore televizive. Programi "Nga e Para" synon njëkohësisht dy gjëra: 1). Të edukojë dhe të përcjellë shije, estetikë edhe menyrë jetese me standarte bashkëkohore dhe njëkohësisht 2). Të jetë një zgjidhje shumë e mirë sociale dhe humane për familje dhe individë që kanë nevojë për një ndihmë të tillë. Më konkretisht ky emision konsiston në identifikimin e disa shtëpive apo apartamenteve të cilat ndryshohen totalisht dhe ridisejnohen nga e para duke krijuar një surprisë tek shikuesit por sidomos tek përfituesit e drejtpërdrejtë, banorët e ketyre apartamenteve. Për ta realizuar këtë angazhohet një staf i tërë i mirëpregatitur arkitektësh, projektuesish dhe realizuesish. Gjatë kohës që ndodh i gjithë ky transformim i madh i shtëpisë (për 4 ditë) banorët akomodohen në kushte mjaft komode në hotele pushimi apo në vende të tjera. Me rikthimin e banorëve në shtëpi ata do të përballen me një ndryshim të madh dhe të sjellë me gusto ku të gjitha pajisjet dhe mobilimet janë totalisht të reja.